A comercialización de produtos baixo unha marca é cada vez máis frecuente e é unha tendencia que vai a máis, tanto nas marcas como nas denominacións de orixe, para garantir a calidade do produto. Os primeiros produtos que se comercializaron baixo unha marca de distribuidor/a foron os de alimentación. En vista do éxito, @s distribuidor@s decidíronse a comercializar outros produtos de consumo masivo non alimentarios.
O surtido de marca está constituído por un conxunto de produtos comercializados por un determinado distribuidor ou distribuidora que decidiu aproveitar o seu prestixio, utilizando o seu nome e ofrecendo unha boa relación calidade-prezo. O surtido de marca comprace á clientela porque se gañou a súa confianza.