EXEMPLOS 1: A decoración interior debe seguir a mesma liña que o escaparate, para iso é necesario que o efecto de separación visual entre o escaparate e a tenda non sexa estridente. Hai que ter en conta que o que ten que resaltar é o produto. Un escaparate pequeno con fondo aberto necesita ocultar o establecemento dalgunha forma para evitar distraccións.
Uns dos recursos máis utilizados para evitar esas distraccións poden ser as cortinas creadas cun simple papel kraft, debuxado ou non, a ton cos produtos que se expoñen ou cortinas de teas lisas ou estampadas, cartolinas pintadas...
|
EXEMPLO 2: Outros recursos a utilizar son as cortinas creadas con cartóns que poden ser pintadas con varias cores, os biombos de madeira ou de xeso, ata a metade do escaparate (en horizontal ou vertical), as cortinas formadas polos propios produtos, grella de metal, etc.
Existen múltiples recursos do tipo indicado para utilizar como separadores entre o escaparate e a parte interior do establecemento, como se pode ver nos exemplos que veñen a continuación.
|
EXEMPLO 3: Dependendo da imaxinación, o papel kraft e os cartóns de cores, poden cambiarse por formas elaboradas con materias como a la, a goma-espuma, o porexpán, etc. que disimulará o fondo aberto. Estas formas poden suspenderse do teito e suxeitarse nos laterais ou na base do escaparate. As súas cores estarán en consonancia cromática cos produtos e o ambiente da tenda.
Os exemplos que se indican a continuación son escaparates con algunhas destas formas. |
EXEMPLO 4: Outra forma de separación, neste caso, da un toque de naturalidade e elegancia, son os biombos de cristal glaseado ou de PVC, tubos de cristal recheos de flores, bolas, etc.; recorrer a colocación de grandes displays; etc.
Nos exemplos que se propoñen hai distintos escaparates que utilizan o cristal como recurso de separación do establecemento ademais de como efecto visual impactante para atraer a mirada do público. Destacan as ópticas, que na súa maior parte empregan grandes displays como elemento de atracción e separación dos interiores.
|
