U. D. 12: A PROMOCIÓN DE VENDAS > REGULAMENTO LEGAL > Vendas a perda. Prezos

A Lei 10/1988, do 20 de xullo, de ordenación do Comercio polo Miúdo en Galiza, no seu CAPÍTULO VIII. VENDAS A PERDA. Artigo 31, di:

1	Para os efectos desta Lei, considéranse vendas a perda as vendas que fai @ comerciant@ a prezo inferior ó de compra ou de reposición, si o novo aprovisionamento fíxose ou se pode facer á baixa.
2	Enténdese por prezo de compra para @ comerciant@, nas mercadorías ou artigo vendidos a perda, o que resulta de deducir do prezo unitario que figura nas facturas, as bonificacións de calquera tipo e de incorporar ó mesmo os gravames que sexan compoñentes do custo do artigo así como os correspondentes portes desde o almacén d@ subministrad@r ata o almacén d@ comprador/a
3	Non poderán deducirse as retribucións e bonificacións que signifiquen compensación por servizos prestados.
4	A efectos da determinación do prezo de compra consideraranse as facturas das mercadorías ou do artigo obxecto da venda a perda .

A Lei 10/1988, do 20 de xullo, de ordenación do Comercio polo Miúdo en Galiza, no seu CAPÍTULO II. PREZOS. Artigo 36 di:

1	Os prezos dos produtos e servizos poderán ser fixados libremente pol@s comerciant@s, sen mais limitacións que as impostas pola lexislación vixente en materia de prezos, marxes comerciais e defensa da competencia.
2	Nun mesmo establecemento comercial non se poderán aplicar prezos de venda diferentes a un mesmo produto. Se nun produto, figuran dous ou máis prezos diferentes, @ comerciant@ estará obrigad@ a vendelo ó prezo máis barato dos exhibidos.
3	O prezo en euros de todo produto destinado á venda ou servizo ofertado, deberá ser exposto ou exhibido ó público de forma explícita e inequívoca, por unidade das usualmente aceptadas no mercado. No caso de vendas con pagamentos aprazados deberá exhibirse ó menos o importe de cada prazo, o número total deles e a periodicidade dos mesmos, e o prezo total resultante
4	Non obstante, a Xunta de Galiza, a través da Consellería de Industria, Comercio e Turismo, poderá contemplar supostos excepcionais nos que fundamentalmente por razóns de seguridade se lles releve desta obriga, sen que isto vaia en detrimento da debida información @ consumidor/a.