U. D. 7: ETIQUETAXE > TIPOS DE ETIQUETAS

No mercado podemos atopar todo tipo de etiquetas. O tipo de etiquetas elixiranse en función das características do produto, o uso que se lle vai dar a etiqueta, a facilidade de manexo e a rendibilidade.

	AUTOADHESIVA	Etiqueta á que lle foi aplicada previamente unha capa de adhesivo que só require presión para adherirse a un paquete ou produto.
	DESPREGABLE	Tipo de etiqueta de quita e pon dobrada sobre si mesma que se atopa a miúdo en botellas e se utiliza para promover o produto.
	ENVOLVENTE	Etiqueta que rodea completamente o corpo dun envase salvo o fondo e a parte superior.
	FRONTAL	Etiqueta que cubre parcialmente o envase, normalmente a súa cara frontal.
	INFORMATIVA	Etiqueta que da información sobre o produto como: composición, instrucións de uso e as características especiais do produto. A información debe ser concreta, clara, obxectiva e completa.
	INTELIXENTE	Etiqueta electrónica que, adherida a cada produto vai substituír nun futuro inmediato ó código de barras, calculando entre outras utilidades de xeito automática o importe da compra sen necesidade de extraer os produtos do carriño e sen pasalos pola caixa rexistradora.
	REMOVIBLE	Etiqueta adhesiva colocada sobre unha superficie igualmente adhesiva, de tal xeito que a etiqueta pode ser retirada sen danar o envase.
	RETRACTABLE	Funda termoretractable empregada para envolver envases.
	TERMOPLÁSTICA	Etiqueta de papel ou outro material, cuberta por unha das súas caras cunha capa de material de activación térmica, xeralmente resina termoplástica, moi difícil de despegar unha vez efectuada a súa aplicación.
	TRANSPARENTE	Etiqueta autoadhesiva transparente cun deseño decorativo impreso nela.
	TRASEIRA	Etiqueta situada na parte do contedor oposta á etiqueta dianteira. Normalmente leva as instrucións de uso do contido do envase.
	ETIQUETADO EN SECO	Método de etiquetado baseado nunhas etiquetas previamente encoladas autoadhesivas ou sensibles ó calor.