U. D. 4: ELECCIÓN DO MOBILIARIO > Modelos > outros modelos
Entre as facilidades para a decoración da tenda con mobiliario "permanente", hai empresas que poñen ó alcance d@s comerciant@s simulación da instalación utilizando as novas tecnoloxías informáticas, o que permite ver, case de forma real, como quedaría a distribución do mobiliario no punto de venda. A continuación se indican algúns dos sistemas de amoblamento de puntos de venda:
Módulos murais
Hainos de moitos tipos, de madeira, con barras colgadoras a distintos niveis, con estantes, con grellas, etc.
Colgadoiros tubulares
Para colgar prendas con perchas ou outro tipo de artigos hainos de tódolos tipos
Sistemas de rexas
Rexas murais, que se colocan directamente na parede para a exposición de todo tipo de produtos (téxtiles, calzado, deportes, ferramentas, etc.) ou soportan sobre paneis ou sobre o chan produtos como o calzado, revistas e prensa, produtos deportivos, etc.
Cestas metálicas
Hainas de distintos tamaños e formas, poden expoñer calquera tipo de artigo.
Sistemas tubo e columnas
As posibilidades destes sistemas son moi amplas e válidas para implantar en calquera tipo de negocio. Este sistema permite empanelar, tanto con panel liso ou de lamas, ocultando as paredes do local sen necesidade de obra de albanelería e pintura.
Sistema de lamas
Permite aproveitar todo o espazo da parede para ampliar a exposición de produtos.
Sistema de botóns
Indicado para as instalacións nas que se pretenda destacar un revestimento mural con acabado en madeira.
Sistema cable
Este sistema basease en cables de tan só 1.2 mm de grosor, de teito e chan, sobre os que se fixan a altura que conveña carteis e estantes.
Sistema factory
Este sistema ten grandes posibilidades de deseño cunhas liñas modernas e un impecable acabado. É apto para todo tipo de sector comercial con infinidade de usos e aplicacións. Dispoñibles sobre andeis de vidro. Emprega tubos cromados
Sistema metálico
Ten a posibilidade de utilizarse en góndola con cabeceira ou en panel sobre a parede; pódese colocar barras colgadoiros (tendas de roupa e deportivas); aplicar andeis inclinados, cornixa e espello (froitería); personalizar cunha gama ampla de cores. De fácil montaxe e pode cubrir calquera tipo de altura. Adáptase a calquera tipo de negocio
Vitrinas
De vidro morno. Teñen que cumprir a norma AENOR D. 620/0 de 1982, que sinala que nos lugares públicos e comerciais as vitrinas teñen que ser de vidro morno
Colgadoiros
Distintos tipos de colgadoiros en formas e materias que se adaptan a calquera surtido.
