A primeira implantación que se fai dun establecemento, como se indicaba nas unidades anteriores, vai en función dunha serie de estudios (localización, competencia, clientela...) que hai que realizar previamente, e, si os establecementos son franquiciados a primeira implantación é estándar. Isto serve para comezar a funcionar, pero, o establecemento deberá adaptarse a idiosincrasia do lugar, da competencia, e da clientela; sobre todo de esta última a quen deberá observar continuamente. Os consumidores e consumidoras cambian constantemente de gustos, de modo de vida, cumpren anos e vanse facendo maiores, e o establecemento segue no mesmo lugar. Hai que renovalo e adaptalo ó mesmo ritmo que o cambio que experimentan os consumidores e as consumidoras ó longo da súa vida. Por este motivo hai unha serie de medidas de control que se deben aplicar.