A diferenza do anterior, non se entrega de forma inmediata, senón previa presentación ou envío de mostras de compra do produto.

Incrementa as vendas do artigo de forma moi importante, xa que @ consumidor/a ten que mercar varias veces o produto para conseguir o agasallo. Consegue a fidelidade da clientela, porque se acostuma a consumir o produto. Ten maior éxito que agasallo directo porque o artigo que pode ofrecer é maior. O custo da campaña queda amortizado polas compras d@s consumidor@s. Como inconvenientes ten que debe utilizarse en produtos de gran consumo e calcular ben para que non falten agasallos.

O produto en promoción, ofrece durante a mesma, un envase distinto ó que ten habitualmente, e este pode utilizarse para outros usos.

Este instrumento de promoción consegue atraer nova clientela e a súa fidelidade. Ten como inconveniente os seus levados custos, xa que hai que deseñar e distribuír envases distintos ós habituais.

Vales-agasallo, que son cambiables no punto de venda por un agasallo determinado.

Vales-desconto, que supoñen unha diminución do prezo na compra que debe realizar a clientela nas condicións especificadas no bono ou cupón.

É un instrumento de promoción que lograr incrementar as vendas e que reforza a fidelidade da clientela habitual. Ten como inconveniente que o éxito depende do agasallo ou do desconto ofrecido. Por exemplo, dado o avance tecnolóxico, é bastante frecuente que as grandes canles de distribución utilicen este sistema para conseguir a fidelidade da clientela, ofrecendo vales desconto para mercar aqueles produtos que non levas no carriño dese día, e te motivan para que volvas no período que marca o desconto.