Para utilizar este instrumento de promoción necesítase a participación da clientela, que compite nunha serie de probas para obter os premios ofertados.

Por exemplo, o periódico "El País", soe utilizar esta serie de concursos, onde @s lector@s teñen que ir resolvendo semanalmente unha serie de probas, que a medida que as van superando, poden chegar a gañar unha viaxe, ou outro tipo de premio.

Con este tipo de promoción preténdese aumentar a adhesión e fidelidade da clientela, incrementar a imaxe da marca, conseguir maiores stocks nos puntos de venda.

Para que teña éxito hai que ter en conta que os premios deben ser o suficientemente atractivos como para lograr unha alta participación d@s consumidor@s: diñeiro, automóbiles, viaxes "exóticos", etc. Isto implica unha dotación económica importante que repercute no custo da promoción. Ademais deben ofertarse varios premios para alentar @s concursant@s a participar.

É moi importante decidir ó publico obxectivo e definir as "probas" e premios en función das súas características, xa que non tod@s @s consumidor@s van participar en todas as propostas.

As bases do concurso deben estar claras para evitar posibles problemas.

Diferénciase da anterior en que se ofertan un maior número de premios e a clientela non ten que superar ningunha proba para conseguilos, so fai falta SORTE.

Incrementa a imaxe positiva da empresa por iso é necesario que os premios sexan atractivos: coches, viaxes, soldos mensuais durante un período, equipos musicais, etc.