Primeiro, desmontar o escaparate anterior.

Segundo, proceder á limpeza de todos os elementos estruturais: cristais, soportes, etc., así como ao cambio de todo o material deteriorado (lámpadas, moquetas, papel, etc.)

Terceiro: As operacións de montaxe poden realizarse á vista do público incrementando a súa curiosidade ou fora da súa vista, colocando unha tea ou papel no cristal por fora do escaparate, o que tamén incitará o seu interese pero neste caso polo oculto.

Cuarto: Colocar todo o necesario a un lado, nunca dentro do escaparate, intentando levar unha orde de colocación.

Quinto: Protexer con bolsas os zapatos ou usar calcetíns e guantes para non deixar pegadas

Sexto: É útil a utilización dun mandil curto con petos onde gardar as ferramentas que se vaian utilizar (martelo, alfinetes, grampadora, tesoiras...).

Sétimo: Comezarase coa colocación polo lado contrario ó do acceso ó escaparate, e se houbera que suxeitar algo no teito, será o que se faga primeiro.

Oitavo: A mercadoría que se vai expoñer ten que estar limpa e en perfectas condicións. No caso dos tecidos ou artigos de confección presentaranse pranchados.

Noveno: Dependendo do tipo de política comercial que leve o establecemento os produtos poderán ou non ser retirados do escaparate. Neste último caso hai que ter en conta que a mercadoría poda ser substituída por outra con facilidade.

Décimo: A iluminación hai que tela en conta antes de rematar, xa que o resultado final depende da luz elixida.

Undécimo: Para rematar, realizar unha revisión para non deixar nada fora do seu sitio: ferramentas, manchas, etc.